Datorren ostiralean Udaberri Jaia ospatuko du Algara konpartsak Abandoko Done Bikendi inguruan, kalean. Pandemiaren geldialdiaren ostean, aspaldiko ohitura berreskuratuko du Bilboko konpartsa euskaldunak.
Maiatzaren 27an, 75 egun faltako dira Aste Nagusia heltzeko. Motorrak berotzeko garaia da, aurten berriro jai-normaltasuna itzuliko delakoan. Eta aurten, maiatzaren 14an gainerako konpartsekin ospatu genuen Kapela Egunaren ondoren, Udaberri Jaiaren txanda iritsi da. Goizetik hasita, tarta lehiaketa, dantza plaza, pintxo lehiaketa, pregoia, Algaratoia, DJ Tortilli eta Bilbo Hiria irratia, poteoa, bazkaria… egun osoko egitaraua prestatu dugu. Eta arratsaldean, karaoke ibiltariak lagunduta, Zazpikaleetaraino hurbilduko gara, hango jaiez gozatzeko. Hemen duzue egitaraua:
