(Zortziko handian)
Aurtengo udan, Naja aldean
Ez da entzun algararik
Jende multzorik ez dugu bildu
karpapean pilaturik
Ta Marijaia distantzian dugu
gogoratu tristeturik
Aste Nagusi gabeko uda
ez baitago ulertzerik
Baina pandemia ez da betiko
itzuliko da ALGARA
Hurrengo urtean berriro ere
bueltatuko da euskara
Maskara kendu, pottak banatu
denok batera Naxara
Pellot pirata ta lagunekin
txosnan mozkortuko gara!
